lundi 21 mars 2011

LO CARNAVÀS DE PEI - LOBIÉ

Dissabte 19 de març, s'es debanat lo carnavàs de Pei- Lobié.
I aviá fòrça monde per carrieras. Pichons e grands èran  aquí per seguir la manifestacion qu'a partit deis escòlas per anar sus la plaça de la comuna.
Fasiá de mes que leis escolans l'avián preparada aquesta jornada. Avián apres de cants, fabricat d'instruments de musica, chausit un desguisament ( De segur le princessas e leis òmes- aranhas èran nombròs!).
Avián seguit la meteorologia; qu'avèm agut fòrça plueja dins lei darniers temps...
E puei, vaquí un ceù meravilhós, lo soleu e la festa!!!
Lei gigants de la companhiá AQUÉOU CANAILLE  son venguts faire una animacion. Aquesta companhiá es una escòla de circ que resta a Gareolt dins lo Var. Leis artistas montatas sus d'escassas caminan ambé la fola, dansan ambé lei gents, mandan de plumas... ( AQUÉOU CANAILLE prepausa tota l'annada de cors e d'estagis per pichons e grands, pòdon venir dins leis escòlas)
I aviá tamben fòrça bruch perqué Renaud  que ven faire cantar lei pichons a l'escòla èra vengut ambé d'amics ben brusents per faire la Batucada.
Surdó, caixa, tamborin, chapinhas, apitó e agogó an fach dansar la fola sus lei placetas dau vilatge fins a la plaça de la comuna onte tot aqueste monde a poscut beure un còp e continuar la festa.


E per l'an que ven?
Avèm ja tot plen d'idèias per un carnavàs encara mai brusent e mai colorat.
video