dimanche 19 décembre 2010

ES VENGUT!!!

Bònas fèstas a totei!!

Vaqui un testimòni per aquelei que dobtan.
L'ai vist, existe... Es vengut a Pei- Lobié

samedi 11 décembre 2010

L' AIGLA DE BONELLI

L'aigla de Bonelli, aquila fasciata es l'un deis estajants lei mai extraordinaris dau Mont Venturi.
Per astre, podèm espinchar aqueste aucèu grand dau temps d'una caminada mai sa reputacion es d'estre de mai discrèt.
Son envergadura es de 150cm a 170cm
Son pes va de 1,5 a 2,5 kg
Poù viure de 25 a 30 ans, pasmens son existéncia es menaçada per la caça, lei pesticides, lei linhas electricas e lei malautiàs ( tricomonòsi).


En 2009,la populacion d'aiglas de Bonelli fuguèt estimada a 20 pareus sus lei 7 departaments en riba de Mediterranèa.
La vida de l'aigla es ligada ai regions ensolelhadas mediterraneanas. En França,l'espècia ocupa lo rèire-pais de la còsta mediterraneana.
L'aigla caça dins lei garrigas e lei vinhas. Manja d'auceus, de lapins, d'esquiròus, de sèrps, de limberts,...
Son nis es dins un bauç a mai de 700m de naut. L'aucèu viu tota sa vida sus lo meteis territòri.
Cada prima, un pareu a 1 o 2 uòus.
Lei joines quitan lo nis entre la fin de mai e lo començament de julhet. S'en van luench per trobar un bauç onte passar sa vida.
L'espècia es parada per la lei dau 10 de julhet 1976. Es sus la lista roja deis espècias menaçadas.

Prima 2010 - De joines son nascuts. Es lo temps dau "bagage"
     De polits libres son estampats come:
 Aigle de Bonelli. Méditerranéen méconnu 2007 Editions Regard du vivant o
Vivre avec l'Aigle de Bonelli  2010  Editions HESSE

un liame fòrça interessant

Julhet 2010, un joine e una femèla adulta fuguèron trobats mòrts, empoisonats per un pesticide enebit en França : lo carbofuran.
Alora? L'aigla de Bonelli, una vision de libertat menaçada per l'òme?