lundi 28 février 2011

LÈU SERÀ LA PRIMA

Es pancara vertadierament la prima, mai sus lei dralhons de Venturi sentèm ben qu'i a quauquaren que se passa.
De luench es totjorn l'ivern,










mai de près,





Alora vaquí de imatges per pacientar encara un pauc
 
 
 
video

mardi 22 février 2011

Lei centaures au Martegue, un espectacle, un pantais

La companhiá "Lo Centaure" a presentat son darnier espectacle: Flux  lei 18 e 19 de febrier au Martegue.


Despuei mai que dètz ans, lo teatre dau Centaure presenta d'espectacles que leis actors son de centaures.
Lo centaure es una creatura mitologica venguda de la nuech dei temps. Es la fusion de l'uman e de l'animau.



                                                           

       Dins lo manifèst dau teatre es dich :"pantaii d'un galòp per ma mitat umana, pantaii d'una paraula per ma mitat animala: lo Centaure espèra l'impossible, de totei aquelei fòrças recampadas, interròga l'animau uman, desplaçant sei frontieras ais frontieras de l'autre; lo Centaure es un passament.
        L'idèia es que leis actors son vertadierament de centaures. L'òme o la frema montan pas sus lo chivau. Son dedins lo chivau. Venir un actor-centaure es la creacion d'un èstre doble, mieg-animau, mieg-uman.
       Per aqueste espectacle, leis èstres ibrids dau teatre dau Centaure an reculhit a Istambul, Rotterdam o Marselha d'imatges e de sons d'aquestei luòcs transformats per la preséncia umana. Lei pòrts contan lei migracions, leis escambis, lei rescòntres e lei separacions...
L'espectacle es una caminada dins lo teatre e a l'entorn dau teatre.
Avèm seguit una frema Centaure silenciosa que nos a menats defòra onte de frasas s'escrivián sus de velas. Avèm ausit de paraulas murmuradas dins lei lengas que son parladas dins lei pòrts.
Se siam laissats pòrtar per lo ritme lent d'una musica doça e leis imatges dei bastiments industriaus vueges.
      Per aprofichar d'aqueste espectacle magic fau sacher venir lei testimònis d'èstres venguts de la nuech dei temps, fusion ideala entre l'uman e la natura. Lo Centaure nos mostra un biais novèu de regardar lo monde.

Se volètz intrar dins lo monde magic dei Centaures, lo site dau teatre presenta de films espectaclòs e de polidas fotòs:http://www.theatreducentaure.com/