samedi 1 janvier 2011

Caminar amé un ai





Un biais ben agradiu de prendre son temps per descubrir lei païsatges de Provença es de caminar amé un ai.
                                                       
Dins la comba de "Bournelles", pròchi de Rians, au Nord de Venturi, podèm rescontrar un tropèu d'ais que vos espèran per anar passejar.          
Fòrça possibilitats son prepausadas  ai familhas coma ai mestressas que vènon amé seis escolans. Leis escolans pòdon sonhar lei bèstias, montar sus un ai, rescontrar un contaire dins la garriga o descubir lo nom dei plantas.
Lei familhas chausiràn una caminada d'una o de mai d'una jornada.
Bernadette que conoisse totei lei dralhas de la region, vos donarà una carta per pas se perdre; pòu tamben reservar dei cambras dins d'ostaus o de ostalarias au lòng dau camin.                     

 Leis ais pòrtan lei sacas e leis enfants las de marchar.


Fòrça caminadas son prepausadas, mai pensi qu'una de mai polidas es lo torn de Venturi que passa per Rians, Vauvenargò, Bèu-Recuei, Sant-Antonin, Pei-Lobié, Porrierò e s'en torna mai a Rians.
S'avètz l'enveja d'assajar, fau telefonar a l'associacion entre setèmbre e junh.
Dau temps de l'estiu leis ais van prendre lo fresc dins leis Aups.
Existe tamben d'autrei luòcs que pòdon se visitar ambé un ai dins mai d'una region coma leis Aups, la Dordonha o lei Cevenas.